《睇開羅宣言，學習喺夏天保持霸氣》
前排因為大陸拍左套柒版開羅宣言，佬編都上網睇左唔少歷史資料。但搵黎搵去都搵唔到偉大舵手毛主席，不過就對當年邱吉爾嘅印象好深刻。
睇翻啲舊相，當年邱吉爾一身霸氣白西裝，夾埋支雪茄，簡直就如漆黑中嘅螢火蟲一樣鮮明出眾。作為英國紳士傳統嘅代言人，喺熱帶地區著Tropical Suit唔喺博上位，it's a must。
Tropical Suit喺英國紳士係熱帶地區嘅必備單品，令紳士們喺酷熱天氣保持瀟灑不羈。
Material：一般由麻、棉麻混紡、輕磅棉或者輕磅wool製成。透氣度比重磅羊毛造嘅老西高出n倍，既吸汗又保持通爽。全麻質地容易起皺，如果想堅挺啲，可以用輕磅羊毛或者混有棉嘅物料，不過透氣度點都會爭咁啲。
Tone & Cutting：為左散熱，物料通常會用唔吸熱嘅白色或者米色系(Beige)。一般唔推薦全白，邱吉爾著全白咁型，喺因為佢喺邱吉爾，你著就喺鄭則仕，sorry。Cutting方面當然喺寬鬆啲比較好，不過slim fitting喺會型啲嘅。
Accessories：可以配搭藤或草織嘅帽，如Panama Hat，或者Safari Hat (見圖)。不過宜家應該無人戴Safari Hat架啦。鞋方面，你當然可以整對白皮鞋，不過最好襯嘅應該喺Clarks嘅麂皮Desert Boots (牛皮都可以，不過傳統習慣夏天會著麂皮)。
作為要長期喺氣溫30度左右嘅地方生存嘅佬，邱吉爾示範嘅熱帶穿搭技巧非常重要，麻煩大家mark低佢。
Search